Չինաստանը ավելի քան 300 միլիոն դոլար կծախսի Չինական Մեծ պարիսպը վերանորոգելու համար
Չինաստանի հյուսիսարևմտյան Գանսյու ավանի Ցզյայույգուան քաղաքի ղեկավարությունը սկսել է 2.03 միլիարդ յեն (317 միլիոն դոլար) արժողությամբ նախագծի իրականացումը, որով նախատեսված է վերանորոգել Չինական Մեծ պարսպի արևմտյան հատվածը:
Ինչպես հաղորդում է Xinhua գործակալությունը, նախագիծը նախատեսում է վերանորոգել Ցզյույայ դարպասի շրջանում գտնվող պատ, որտեղից սկսվում է Մեծ պարիսպը: Չինական Մեծ պարիսպը կառուցվել է Մին արքայատոհմի կողմից (1368-1644 թթ.): Վերանորգման ծրագրի շրջանակներում կառուցվելու է թեմատիկ այգի և պատի վիճակը ստուգող կենտրոն:
Նախագծին իրականացնելու համար գումարը հատկացվելու է Չինաստանի բյուջեից: Ցզյայույի դարպասը, որը 1987 թվակաինի մտել է ՅՈՒՆԵՍԿՕ-ի ժառանգության ցուցակում, կառուցվել է 1372 թվականին և կարևոր նշանակություն է ունեցել միջնադարյան Մետաքսե ճանապարհի համար: Վերջին անգամ մեծամասշտաբ վերականգնման աշխատանքներ տարվել են 1984 թվականին:
Ավելի վաղ հայտնի էր դարձել, որ Չինական մեծ պարիսպը գտնվում է վտանգի տակ տասնյակ օրինական և անօրինական հանքահորերի պատճառով:
Հիշեցնենք, որ 2010 թվականի ապրիլին Պեկինում մեկնարկել էր Չինական Մեծ պարսպի հնագույն հատվածների պահպանման ծրագիրը:
Հավանեցի՞ր, դե տեղեկացրու ընկերներիդ`
Posted in: Հետաքրքիր նյութեր
