Հայտնի մեդիամագնատ Ռուպերտ Մերդոկը եւ բրիտանացի միլիարդատեր, «Վերջին» խմբի սեփականատեր Ռիչարդ Բրենսոնը որոշել են ստեղծել պարբերական, որը հասնելի կլինի միայն iPad պլանշետների համար:
Նոյմբերի 30-ին Նյու Յորքում տեղի կունենա «Փրոջեքթ» անվանումով ամսագրի շնորհանդեսը, որը պոպուլյար ամսագրերի ոճով օնլայն պրոդուկտ է եւ որի հիմնական թեմաները վերաբերելու են շոու-բիզնեսին, միջազգային մշակույթին, բիզնեսին եւ ճանապարհորդությանը:
Դեկտեմբերի սկզբին Մերդոկի «Նյուզ կորպ» ընկերությունը մտադիր է ներկայացնել «Դեյլի» ինտերնետային օրաթերթը: Այն iPad-ի սեփականատերերի համար հասնաելի կլինի 2012 թ-ից: Այդ նախագծի վրա Մերդոկը ներդերել է 30 մլն դոլար:
Երկու պարբերականներն էլ հնարավոր է լինելու կարդալ միայն iPad-ի համար նախատեսված հատուկ ծրագրի միջոցով, հաղորդում է ԻՏԱՌ-ՏԱՍՍ-ը: Դրանք չեն տպագրվի եւ հասնելի չեն լինի համացանցում` սովորական բրաուզերների միջոցով:
Հավանեցի՞ր, դե տեղեկացրու ընկերներիդ`
Posted in: Հետաքրքիր նյութեր
